fi55a]                                           DE LA VILLE DE PARIS.                                               287
CCCI [CCL]. — [Visite du Prévôt des Marchands au Gouverneur de Paris.]
7 février 1552. (Fol. 264 v°.)
Du dimenche, vue jour de Fevrier mil vc li. Aujourd'huy, après ce que mess" les Prevost des Marchans et Eschevins de la ville de Paris ont esté
advertiz de la venue de monseigneur de Chastillon, Gouverneur de Paris et Ysle de France, sont allez en son logis pour luy faire la reverence O.
CCCII [CCLl]. ---- La RECEPTION DE MONSEIGNEUR DE CHASTILLON, GOUVERNEUR DE PARIS.
9 février 1552. (Fol. 265.)
Du mardi, ix° jour de Fevrier vc li.
Aujourd'huy, suyvant les mandemens le jour d'hier envoyez à mess" les Conseillers, Quarteniers et deux notables bourgeois de chascun quartier, pour rece­voir honnorablement monseigneur Gaspart de Coul-ligny, seigneur de Chastillon sur Loing, Chevalier de l'Ordre, en l'estat de Gouverneur de Paris et Ysle de France('2', sont comparuz mess" les Prevost des Marchans et Eschevins, ia plus grande partie de mess" les Conseillers et Quarteniers, bourgeois ct trente personnes des nombre des archers, arba­lestriers et hacquebutiers de lad. Ville, vestuz de leurs hocquetons de livrée, qui gardoient la porte et actendoient mond, seigneur le Gouverneur, qui arriva en l'Ostel d'icelle Ville à deux heures de re­levée, acompaigné de (rente ou quarante gentilz­hommes.
Et incontinant que mesd. s" de la Ville sceurent sa venue, allerent au devant de luy jusques à la porte d'etnbas et le admenerent en la grande salle tap-pissce où estoient lesd. Conseillers, Quarteniers ct bourgeois, où mond, sr le Prevost le feist seoir au dessus de luy, dedans une chaire dc vellours noir, puis ordonna que ses lettres feussent leues haul­tement en lad. compaignée; desquelles la teneur ensuit :
"Henry, par la grace de Dieu Roy de France, à tous ceulx qui ces presentes lettres verront, salut. Comine puis nagueres soit escheu ct demouré vac-cant l'estat ct office dc Gouverneur et nostre Lieu­tenant General en nostre bonne ville et cité de Paris et pays de l'Isle de France, par le trespas de feu nostre cousin le seigneur de La Rochepot'3), en son vivant Chevalier de nostre Ordre ; auquel estat, pour
l'importance dont il est, est très requis et necces-saire de pourvoir de quelque bon, grant et notable personnage, à nous seur, feable et agreable, et en qui nous puissions avoir toute seureté et fiance;
"Sçavoir faisons que nous, considerans que ne saurions faire meilleure eslection en cest endroit que de la personne de nostre cher et amé cousin Gaspart de Coulligny, seigneur de Chastillon sur Loing, Chevalier de nostre Ordre, Cappitaine de cinquante lances de noz ordonnances et Collonnel de noz vielles bandes françoises, qui de ses jeunes ans a esté nourry près nostre personne, et depuis a ordinairement faict service au feu Roy, nostre très honnoré seigneur et pere, au faict des guerres, et à nous pareillement depuis nostre advenement à la Couronne, ès charges dessusdictes et autres grandes et honnorables où il a par nous esté employé, mesmes pour le recouvrement de nostre ville de Boulongne et reconciliation et pacilliment de la bonne paix ct amytié d'entre nous et le Roy d'An­gleterre, qui merite bien que nous l'ayons en bonne ct singuliere recommandation.
"Pour ces causes et pour l'entiere confiance que nous avons de sa personne etde ses sens, prudence, vaillance, intégrité, vertuz, bonne conduicte et dilli­gence, l'avons faict, constitué, ordonne et estably, faisons, constituons, ordonnons et establissons, par ces presentes, Gouverneur et nostre Lieutenant Gene­ral en nosd. ville de Paris et pays de l'Isle de France, et led. estat ct office de Gouverneur vaccanl, comme dit est, par le trespas dud. feu sr de La Rochepot, son oncle, luy avons donné et octroyé, donnons et oc­troyons par ces presentes, pour l'avoir, lenir et doresnavant excercer, aux honneurs, auctoritez, pré­rogatives , preheminence, franchises, libériez, gaiges,
C Un blanc de six ou huit lignes avait été réservé à la suite, comme si la relation de la visite du Prévôt des Marchands et des Echevins au Gouverneur de Paris devait avoir plus de développement.
(2' Cette cérémonie avait été fixée primitivement au 3o septembre i55i. (Voir ci-dessus, le paragraphe CCLXXVII). (3) Voir la note 1 des pages 264 et 265 du présent volume.